Nakipagpulong si Public Works Secretary Vince Dizon sa mga miyembro ng Mayors for Good Governance (M4GG) upang talakayin ang mga hakbang para mas mapabilis at mapahusay ang implementasyon ng mga proyektong pang-imprastruktura sa buong bansa.

Ang pagpupulong ay tugon sa direktiba ni Pangulong Ferdinand Marcos Jr. na palakasin ang koordinasyon ng Department of Public Works and Highways (DPWH) kasama ang iba’t ibang ahensya at local government units (LGUs), lalo na para matiyak na ang mga maliliit na munisipalidad ay nabibigyan ng matibay at sapat na imprastruktura.

Ibinahagi ni Secretary Dizon ang mga plano para sa catch-up plan sa school buildings, Oplan Kontra Baha, at iba pang priority infrastructure initiatives na layuning agarang maisakatuparan.

Dumalo sa pagpupulong ang 43 mayors mula sa Metro Manila at iba’t ibang lalawigan sa Luzon, Visayas, at Mindanao.