Sa bisa ng sa bisa ng Republic Act No. 8151, idineklara na ang Nobyembre 27 bilang isang Special Non-Working Public Holiday sa buong lalawigan ng Tarlac. Sa araw na ito ay ipinagdiriwang ang Ninoy Aquino Day, bilang pagkilala sa hindi matatawarang tapang, sakripisyo, at malasakit sa bayan ni Benigno “Ninoy” Aquino Jr.
Layunin ng pagdiriwang na balikan at kilalanin ang mahahalagang ambag ni Aquino sa pagtataguyod ng kalayaan at demokrasya ng bansa. Ito rin ay paalala sa mga aral na iniwan niya para sa susunod na henerasyon ng mga Tarlaqueño—mga aral ng paninindigan, pagmamahal sa bayan, at patuloy na pagsusumikap para sa mas maunlad at malayang Pilipinas.
