Nagtungo sa Iligan City si DSWD Secretary Rex Gatchalian ngayong Sabado, Pebrero 7, upang kumustahin ang kalagayan ng mga kababayan na labis na naapektuhan ng Bagyong #BasyangPH.
Nakipagpulong si Sec. Gatchalian kay Iligan City Mayor Fredrick Siao upang alamin ang mga pangangailangan ng mga residente, lalo na ng mga nasa evacuation centers. Layunin ng DSWD na maipadama sa mga apektadong pamilya na may pamahalaan silang masasandalan sa oras ng kagipitan.
Kasama rin sa pagpupulong sina Disaster Response Management Group (DRMG) Undersecretary Diana Rose Cajipe, Field Office Northern Mindanao Regional Director Glofelia Uayan, at mga kawani mula sa LGU Iligan City, Office of Civil Defense (OCD), Department of Health (DOH), at Department of Human Settlements and Urban Development (DHSUD).
