40 Senior Citizens nakatanggap ng 100K mula sa Kapitolyo
Binigyang insentibo ng kapitolyo ang apatnapung (40) senior citizens edad 95 pataas mula sa iba’t-ibang distrito ng Pampanga.
Sa ngalan ni Governor Dennis “Delta” Pineda, pinangunahan ni Vice Governor Lilia “Nanay” Pineda ang pangangamusta at pamamahagi ng tig P100K sa mga senior citizen na pasok sa one time cash incentive program ng Provincial Government.
Ang nasabing cash gift ay bahagi ng mga privilege at benefits na ibinibigay ng pamahalaang panlalawigan sa mga senior citizen sa ilalim ng Ordinance No. 683.
Kasama rin ni Vice Governor Lilia Pineda sa distribusyon sina Second District Board Members Fritzie David Dizon, Anthony Joseph Torres, Third District Board Member Ananias Canlas Jr., ABC President Renato Mutuc, at Provincial Social Welfare and Development Office (PSWDO) Head Elizabeth Baybayan.
Para sa mga gustong mag-apply sa nasabi programa maaring makipag-ugnayan sa inyong mga Municipal Social Welfare and Development Office (MSWDO). (Pampanga PIO)
