Ipinabatid ng Pamahalaang Lungsod ng Angeles na mas paiigtingin ang pagpapatupad ng mga alituntunin sa ilalim ng Safer Cities Initiative ng DILG upang mapanatili ang kaayusan, disiplina, at kaligtasan sa komunidad.

𝐁𝐚𝐰𝐚𝐥 𝐚𝐧𝐠 𝐏𝐚𝐠-𝐈𝐧𝐨𝐦 𝐬𝐚 𝐊𝐚𝐥𝐬𝐚𝐝𝐚
Mahigpit na ipinagbabawal ang pag-inom ng alak sa kalsada at iba pang pampublikong lugar, kabilang ang paglalagay ng mesa at silya sa bangketa o lansangan para sa inuman, upang maiwasan ang abala at mapanatili ang maayos na daloy ng trapiko.

𝐁𝐚𝐰𝐚𝐥 𝐚𝐧𝐠 𝐓𝐨𝐩𝐥𝐞𝐬𝐬 𝐬𝐚 𝐊𝐚𝐥𝐲𝐞
Ipinatutupad din ang maayos at disenteng pananamit sa publiko. Hindi pinahihintulutan ang pagiging topless sa mga pampublikong lugar bilang bahagi ng pagpapanatili ng respeto at kaayusan.

𝐕𝐢𝐝𝐞𝐨𝐤𝐞 𝐂𝐮𝐫𝐟𝐞𝐰: 𝟏𝟎𝐏𝐌
Para sa kapayapaan ng komunidad, ipinatutupad ang videoke curfew simula alas-10 ng gabi, kung saan ipinagbabawal ang paggamit ng videoke at malalakas na sound system sa labas ng tahanan upang maiwasan ang ingay na nakakaabala sa iba.

𝐁𝐚𝐰𝐚𝐥 𝐠𝐮𝐦𝐚𝐥𝐚 𝐚𝐧𝐠 𝐦𝐠𝐚 𝐦𝐞𝐧𝐨𝐫 𝐝𝐞-𝐞𝐝𝐚𝐝 𝐥𝐚𝐦𝐩𝐚𝐬 𝟏𝟎𝐏𝐌
Ipinagbabawal din ang paglabas ng mga menor de edad lampas alas-10 ng gabi kung walang kasamang magulang o nakatatanda.

Hinihikayat ang publiko na makiisa at sumunod sa mga alituntunin upang mapanatili ang isang ligtas, maayos, at mapayapang Angeles City para sa lahat.